Уште едно значајно меѓународно признание за улогата на македонските фармацевти во грижата за пациентите со астма!
Со особено задоволство ја споделуваме научната публикација „Improving Asthma Outcomes Through Harmonized Pharmacist–Physician Collaboration“, објавена во престижното списание npj Primary Care Respiratory Medicine (Nature Portfolio):
https://www.nature.com/articles/s41533-026-00524-3
Оваа публикација претставува резултат на заедничката работа на фармацевтите од приватните аптеки, лекарите од примарната здравствена заштита и академската заедница, кои преку програмата Asthma RightCare покажаа дека усогласената соработка помеѓу фармацевтот и матичниот лекар значително придонесува за подобра контрола на астмата и подобри здравствени исходи кај пациентите.
Резултатите уште еднаш потврдуваат дека фармацевтите имаат важна и незаменлива улога во:
✅ следење на придржувањето кон терапијата,
✅ проценка и корекција на инхалаторната техника,
✅ едукација на пациентите,
✅ рано препознавање на влошувањата,
✅ подобрување на контролата на астмата.
Здружението на приватни аптеки на Македонија упатува искрена благодарност до сите колеги кои активно се вклучија во проектот, ги документираа своите фармацевтски интервенции и покажаа дека секојдневната работа во аптеката може да создаде докази со меѓународно научно значење.
Воедно, ги повикуваме сите фармацевти да се вклучат уште поактивно во идните едукативни програми, истражувачки проекти и активности за документирање на фармацевтските интервенции. Само преку континуирано докажување на нашата стручност, мерење на резултатите и активно учество во здравствениот систем можеме да обезбедиме поголемо препознавање и соодветно вреднување на фармацевтската професија.
💙 Нашата сила е во знаењето, соработката и доказите за вредноста што секојдневно ја создаваме за пациентите.
Заедно сме посилни. Заедно ја градиме иднината на фармацијата.